Thursday, February 16, 2006

pasaway na langgam

maputi ang kapaligiran. masaya syang namamasyal. may malinis na tubig sa gitna ng lugar na kanyang napuntahan. parang isang lawa. pero masyado syang malinis. transparent yung tubig, at maputi hanggang ilalim.

walang ano ano, biglang nagdilim ang kapaligiran. at biglang may nahulog sa kaitasan. parang mga bomba, sunod sunod ang patak. at lahat ng nahuhulog, bumabagsak doon sa lawa. natakot sya at pilit na lumayo. pero habang lumalayo sya, mahirap, madulas. ilang sunod sunod na bomba pa ang bumagsak. at nagkaroon ng masangsang na amoy sa paligid.

pagkatapos nun, biglang nagliwanag muli ang kapaligiran. ngunit biglang nagulat sya. may lumabas na maraming tubig. at inanod sya. lahat ng lumabas na tubig, dumiretso sa lawang puno ng bomba. kasama sya. unti-unti, umiikot sila, kasama ng mga bomba. umiikot sila hanggang sa tuluyang lumubog sila sa kailaliman. isang malakas na ugong, kasabay ng pagbulusok nila sa ilalim. at ang lawa ay malinis na naman. ngunit sya, ay kasamang nadala ng mga tubig. nakasama sya sa kailalimang walang hanggan.

yan ang nangyari sa langgam na pasaway, na pilit na namasyal sa inodoro, kahit ipinagbabawal.

yun lang!

2 comments:

lojika said...

bwahahah... kaw ang mas pasaway!

Anonymous said...

napadaan lang po.