ang sabado ko

umaga na ako nakauwi after a long gimik nung friday night. natulog lang ng ilang oras, tapos, gumising, naligo at nagpunta sa megamall para umattend ng seminar ng pinoyz2nz. kasama ko si francis at ang kanyang first lady. hindi ko talaga pwedeng palampasin yun, gusto ko kasing mameet ang aking idol at future father-in-law... hahahaha!!! si ka uro!!!

first time kong magpunta sa sm megamall na may drive na sasakyan. dahil nakasanayan ko dati na kung byahe ka, pagbaba mo ng bus e maglalakad ka na lang papasok dun sa megamall, naging isang palaisipan pa sa amin kung paano makakapasok doon sa parking area ng megamall, sa edsa kasi kami nagdaan, yun lang kasi ang alam kong daan. ok naman, basta nung makalampas kami ng megamall, yung unang kantong nakita ko, pumasok na ako, tapos naghanap na lang ng mga sign boards, nakarating din naman sa dapat naming puntahan, nagpark kami doon sa car parking area sa megamall b. alas diyes yung schedule, dumating kami, alas onse na, sabi ko kay francis... filipino time yan, hindi pa tayo huli.. hahahaha!

pagdating doon sa place, hindi pa nga nag-uumpisa... punta muna kami sa registration area para kumuha ng id. di ko alam kung bakit hindi kami nakaregister nina francis ganung sa online list nila ay nakalista na kami. so, nagpalista kami. nagturo na naman ako ng spelling sa mga tao dun... how to spell my name correctly... hehehe. hassle talaga itong pangalan ko, laging ganun, basta may mga ganyang event na kailangang magregister, i have to spell my name so that they can write my name correctly! sa susunod pala, magpapatatak na ako ng t-shirt na may malaking pangalan ko sa harap, parang brand name, hehehehe.

after the registration, hanap kami ng upuan, tanaw na kaagad namin si ka uro, so sabi ko, doon tayo sa malapit kay ka uro, para mameet na natin. narecognize naman ako ni ka uro, at sya pa ang lumapit sa amin... hindi ko malilimutan ang comment nya sa akin... "mas gwapo ka pala sa personaL!" hahahaha!!! ano, ka uro, pwede na ba kitang maging tatay??? hahahaha!!!

bago nag-umpisa yung seminar, nagkaroon pa ng roll call ng mga attendees. ewan ko ba, tama naman yung pagkabaybay ko ng pangalan ko at tama naman yung pagkasulat noong nagsulat, pero may konting erasures siguro, kaya nung tawagin yung pangalan, hindi na lang ako tumayo at hindi na rin ako nangahas na itama pa, ang dami kayang tao dun, ayoko maging center of attention.. hehehe. nung tawagin kasi ako.. ang basa ba naman... "Margot Macuha!" tunog babae na, tunog maggot pa!!! hahahaha! so, i just let it pass... iblog ko na lang dito.. hahahaha!

bukod kay ka uro, i met some fellow bloggers. si flex j at si blue, andun din. si jinkee, nagpakilala rin sa akin, hindi ko alam kung blogger din sya... sorry ate ha! di ko talaga alam, pero natutuwa rin ako sa comment mo... "mas gwapo ka sa personal." hahahaha! pareho pa kayo ng comment ni ka uro ha! may nagpakilala pa sa aking isa, sya daw si louie! hi louie! nagbabasa ka rin ng blog ko? o heto, binabati kita dito! blogger ka ba? ano blog mo?? hindi tayo nakapagkwentuhan eh! pasensya na po kayo sa akin, sa personal talaga, hindi ako makwento, unless nakainom ako! hahaha. tahimik lang talaga ako sa personal, hindi masyadong makwento unless we are already bonded by friendship. isa pang EB at dadaldal na ako.. hehehe. pero natutuwa ako sa lahat ng bumati at nagpapicture kasama ako! hindi ko akalain, may mga nagbabasa pala talaga nitong blog ko! grabe! feeling artista ako!!! hahahaha!

syempre, hindi ako papayag na matapos yung araw na wala akong picture kasama si ka uro! so, eto... ang picture naming dalawa. pansin ko lang, parang ang payat ata ni ka uro ngayon, or talagang mataba lang ako? a ewan! hehehehe.

"marhgil meets ka uro"