ang meeting

nagpunta ako sa isang kliyente namin para makipagmeeting, ako lang ang pinapunta, kaya ko na raw yun. 10:30AM yung meeting time, sa room 101 daw. it was an hour drive from our office to their office. syempre, nagdrive na naman ako papunta doon, and i reached the place at exactly 10:30AM, ayon sa aking relo, ewan ko sa relo nila...hehehe. pagdating ko dun sa room 101, aba! at wala pang tao. nagpunta ako sa guard, tinanong ko kung saan ang meeting, tumawag sya sa phone, sabi, sa 6th floor daw. nagpunta ako sa 6th floor, pagdating dun, wala din, tapos nakita ko yung isa sa mga dadalo raw sa meeting. sabi nya, papunta na raw dun yung kanyang representative sa room 101. balik ako sa ground floor. pagbaba ko, nakita ko yung kanyang representative... sabi ko "saan ba ang meeting, di ba aatend ka?", sabi nya.. "oo, kaso, wala pang tao sa room 101... wala pa yung taga diav*x (yun ang company namin!)"... sabi ko.. "wala pa yung taga diav*x??? e andito na ako!" sabi nya..."a ikaw ba yun! akala ko, taga IT department ka namin." sabay tawa. tapos, sabay na kami nagpunta sa room 101. naghintay ng mga aattend, dumating lahat mga 11:00AM na, mga head ng department nila, tatlong head ng call center, meron sa IT, meron sa telco department. wow! dami nila, in full force samantalang ako lang ang ipinadala ng kumpanya namin... tsk tsk tsk. parang pelikula ni fpj, isang trak ang kalaban sa tubuhan, sya lang ang hinahunting, patay silang lahat.. hehehe, nalalayo ata ako... ok tuloy ko na...

nag-umpisa na yung meeting, nagpreside yung isa, syempre, lahat ng tanong nila, ako sasagot, may problema kasing kinakaharap yung isang system namin na hindi naman namin maayos-ayos dahil naman sa mga walanghiyang virus na gumagala sa network nila. kahit gaano pa sila karami, isa lang ang sagot ko sa kanila... "we cannot troubleshoot any issues unless you remove all the viruses on our server and secure the network for future virus intrusions." hahaha, galing kong mag-english... hehehe. hayun, hanggang sa umikot na yung usapan sa paglalagay ng security measures sa network nila, etc.. etc... marami pang napag-usapan, di ko na ibibigay yung detalye, basta i remained where i stand. hindi namin maaayos ang problema kung patuloy na guguluhin ng virus yung system namin... hehehe. natapos yung meeting, gumawa ng time plan at umuwi na ako.

pagdating dito sa office, nireport kay bossing ang napagmeetingan, nagreimburse ng pinanggasolina, naupo, nagpahinga, binuksan ang notepad at tinype ang entry na ito pangpost sa blog ko. hehehe.

that's all for now.