Thursday, August 31, 2006

Working in Google

earn more for doing less work. kelan kaya ako makakapagtrabaho dito? hehehe. ok lang, 2 months from now, nasa payroll na rin nila ako, dahil sa Google Adsense. hehehe. $85 na, $15 na lang at magkakacheke na ako. =)



"Working in Google"


yun lang!

Tuesday, August 29, 2006

kwentong kolehiyo

when i was in college, may kaklase akong pagdating sa programming ay pagkagaling, kaso, pagdating ng math subjects, hindi sya kagalingan. meron din naman akong kaklase na pagdating sa math subjects ay pagkagaling din, pero pagdating naman sa programming sya sumasablay. pareho silang extremes. isang programming geek at isang math geek. although they are both experts, hindi nila nakuha yung highest weighted average sa lahat ng subjects. at sino ang nakakuha? ako. hehehe.

most common mistake kasi ng mga estudyante, kung saan sila magaling, yun na lang ang inaaral nila. yung mga allergic daw sa math at magagaling naman sa ibang subjects, yun na lang ang pinag-aaralan nila. kaya hayun, graduate na sana, kaso, sumabit sa math. meron namang mga math wizards, puro math books lang naman ang hinahawakan. kaya hayun, sa math lang nakapasa, pasang awa at bagsak naman sa ibang subjects.

ito lang naman ay opinyon ko. kung magaling ka na sa mathematics, e bakit yan pa rin ang lagi mong pag-aaralan? magaling ka na nga dyan. eh di hawakan mo naman yung ibang aklat na kinaiinisan mo. devote 10% of your time sa math at 90% sa mga subjects na kinaiinisan mo, ewan ko lang kung bumagsak ka pa. ganyan ang ginawa ko nung college eh. bihira mo akong makikitang humawak ng math books kapag malapit na ang exam. ang makikita mong pilit kong isinasaksak sa kukote ko, yung mga subject na hindi ko type, yung maraming memorization gaya ng history, philippine constitutions, taxation and land reform at kung ano-ano pa. wala eh, kailangang ipasa rin sila eh, no choice.

how do you prepare for exams? every session is a preparation for exam. huwag kang lalabas ng klase na wala kang natutunan kahit konti. kung maaari nga, magtanong ka kung meron kang hindi naintindihan. para maliwanag ang lahat, para a day before the exam, review na lang ang gagawin mo. tama? kung hindi ako nagkakamali, eh di tama yan. =)

nung college ako, lalo na nung 1st and 2nd year, ang trip ko ay mag-advance study. tapos, during klase, nakikinig naman ako, hindi para matuto, kundi para maghanap ng sa tingin ko ay maling itinuturo ng instructor. hehehe. na kapag may nakita akong sa tingin ko ay mali sa aking pagkaintindi, magtatanong ako. i remember one time, natapos ang isang oras ng paikot-ikot na pagsosolve sa black board ng aming instructor sa calculus matapos kong magtanong. syempre, she's trying to prove na mali ako at tama sya, kaya on the spot, pilit nyang pinagtatama yung mali, hehehe. hindi naman ako sumasabat, nagtanong lang ako dahil may nakita akong mali, pinanindiganan nyang tama sya at pilit na sinolve doon sa black board. hanggang sa natapos yung klase na ginawa na lang assignment sa amin yung sinosolve nya. kinabukasan lang sya umamin na may mali nga sa ginawa nya. hehehe. well, that instructor gave me a flat 1.0 grade. kaso, wala ring silbi, saan ko ba naman gagamitin yun? e ano ngayon kung ang derivative ng x2 ay 2x at ang integral ng x2 ay x3/3 + c? hay naku, ang dami talagang itinuro sa college na hindi ko alam kung saan ko gagamitin. hehehe. mas nagagamit ko pa ang itinuro nung elementary na four major math operation eh, yung plus, minus, times at dibaydibay. hehehe.

tama na, medyo mahaba na ang post ko na ito. wala lang, napakwento lang.

yun lang!

Monday, August 28, 2006

Ang dyip nAPO ni Pluto

Walo na lang ang planeta sa solar system, demoted na ang Pluto as dwarf planet...

If you woke up Thursday morning and sensed something was different about the world around you, you're absolutely right. Pluto is no longer a planet. Continue reading here.


Ewan ko ba. Ang alam kong Pluto ay aso eh. Hehehe.

Other matters, ibinibenta ng father ko yung isa naming dyip, baka meron sa inyong interesado. Sampuan yun, stainless ang body, 4D30 yung makina, may linya ng byaheng Bauan - Batangas. Kakaoverhaul lang ng makina last year. Good condition. Bakit ibinibenta? Gagawin kasing puhunan yung pera sa baboy at baka. Kung interesado kayo, tawag na lang kayo doon sa bahay (043) 489 9292. Look for Mr. Roger Macuha. Tapos kayo na ang mag-usap, sabihin nyo, nabasa nyo dito sa blog ko, ok? Para naman mabigyan ako ng komisyon. Hehehe. Magkano? Kayo na lang ang mag-usap.

Nag-upload pala ako ng bagong background music. Autoplay na ulit yan. Two of my favorites doon sa bagong album na Kami nAPO Muna, mga kanta ng Apo na kinanta ng mga banda ngayon. Cool sya! Kung gusto nyo ng MP3, as usual, andun ang buong album sa digitalpinoy. search nyo lang yung "kami napo muna".

Yun lang.

lamay

i'm back. for the past 5 days, walang tv at walang internet. doon lang ako sa bahay namin kung saan nakaburol ang nanay. nakakahiya naman kasing magbukas ng tv, hehe. at tinatamad na rin akong mag-internet sa mga computer shop because of the hacking incident that I encountered recently. so, hayun, nagbalik ako sa mundo ng walang internet at tv.

tulog sa araw, gising sa gabi. para akong nasa call center. syempre, marami kasing tao sa gabi doon sa burol, dahil hindi naman sila pwedeng maglamay sa araw, syempre sa gabi. ang dami ko na namang nakilalang tao, na nakakabanggaan ko na pala sa palengke, yun pala ay kamag-anak ko. mga kamag-anak, kaibigan, kaklase, katrabaho ng mga tiyo, tiya, pinsan at mga kapatid ko ang nagdatingan doon sa amin para makiramay. bukod pa yung mga kaberks ng nanay na isa-isang naglabasan para silipin ang labi ng nanay. yun bang mga matatanda na rin doon sa barangay namin na hindi mo na nakikitang lumabas ng bahay. hayun, nakarating din sa amin.

a typical lamayan, wala nga lang pasugalan. kasi nga, mga INC kami, eh di walang sugal. makakakita ka ng nagtotong-it, pitikan, pabalasahan, pahiran ng lipstick. pero walang nagsusugal. nakabonding ko rin ang mga pinsan ko na matagal ko na ring hindi nakakausap, yun bang tipong hi and hello lang dahil minsan lang kami magkita, samantalang doon ay katong-itan ko. ang dami ko na namang narinig na green jokes, mga bago, dahil nung isang gabi ay yung ninong ng kapatid ko ay wala nang ginawa doon sa lamay kundi magkwento ng kung ano-anong kalokohan.

hanggang ngayon, hindi pa rin naiilibing ang nanay. hinihintay pa kasi ang tiyo kong nasa SA. saudi arabia. hehe. nagfile na sya ng emergency leave since last tuesday pa, pero mamayang gabi pa sya makakarating. sa wednesday na daw ililibing. kaya sa wednesday, malamang ay magleleave ulit ako. pumasok na kasi ako ngayon dahil hanggang friday lang ang ifinile kong leave. hindi ko naman akalain na aabot ng isang linggo yung lamayan, akala ko, by sunday, maililibing na sya. anyway, may natitira pa naman akong leave. pumasok na ako ngayon at sa wed na lang ako magleleave. sa tuesday ng gabi, uuwi na ulit ako ng batangas.

salamat sa lahat ng nagmessage, nag-email, nagtext at nagpunta doon sa bahay namin para makiramay. maraming salamat po. salamat sa mga kasama ko doon sa mansyon. maraming salamat. God bless everyone. Mabuhay ang mga blogger, pati na rin ang mga lurker! =)

Yun lang!

Tuesday, August 22, 2006

hiatus mode

salamat po sa lahat ng nagtext, nagmessage, nagcomment sa previous posts ko. i'll be on hiatus for this week. uwi muna ako ng batangas mamayang gabi, nagleave na ako for 3 days, buti na lang, regular na ako, may VL na. sa monday na ang balik ko. wala munang update dito, walang update sa textmates, basta, babawi na lang ako pagbalik ko. kailangang umuwi at dalawin ang nanay ko, at baka ako ang dalawin kapag hindi ko sya dinalaw. =) sa mga gustong dumalaw, text nyo na lang ako for details, wala pa rin akong alam sa buong detalye eh. you can see my number naman doon sa textmates.

yun lang!

nanay

i've known her since i was a kid. katu-katulong sya ng inay sa pagpapalaki sa amin habang nagtatrabaho ang tatay ko sa abroad. sa kanya kami iniiwan ng mother ko kapag umaalis sya para mamalengke or kung may pupuntahan sya. sya ang katuwang ng aking inay sa pagpapalaki sa amin. i used to call her "nanay." sya ang lola ko.

kapag alas sais na ng gabi, makikita mo na syang nakaupo doon sa harap ng tv. mga 2 feet lang ang layo dahil malabo na ang kanyang mata. lahat ng teleserye, telenobela, fantaserye at kung ano-ano pang serye ay sinusubaybayan nya. matutulog lang sya kapag tapos na ang lahat ng palabas na yun.

sa bahay na namin sa batangas sya nakatira magmula nang yumao ang aking lolo. pero tuwing araw ay pumupunta pa rin sya sa kanyang bahay para linisin ito. ang bahay kung saan noong panahong nag-aaral ako ay naging group study venue nang buo naming magkakaklase noong college. kaya sigurado akong kilala nilang lahat ang lola ko.

paborito nyang panoorin ang wowowee. mahihiga lang sya para matulog sa tanghali kapag tapos na ang wowowee, na kung tawagin nya ay wowee wowee. kahit hindi naman sya ang nananalo, tuwang tuwa syang manood ng pera o bayong. masaya syang makitang may nanalo ng bahay, kotse or isang milyon doon.

alam nya ang birthday ng lahat ng apo nya. nagulat nga ako minsang subukan ko sya. at alam nya ngang lahat, birthday ko, birthday ng mga kapatid ko at lahat ng mga pinsan ko. lahat, alam nya.

tuwing umaga ng lunes, kapag luluwas na ako ng manila, malimit ay gising na sya kahit alas singko pa lang ng umaga. lagi nyang sabi sa akin, "ingat ka sa byahe." walang liban yun, basta paluwas ako ng manila, sinasabihan nya ako noon.

noong sabado ng umaga, pag-uwi ko sa bahay sa batangas, napansin ko, may mga tao sa bahay. andoon ang mga tiyo kong taga lipa. nakahiga ang lola ko sa kama.

ikwinento sa akin ng tatay ang nangyari. nung byernes daw, around 1:00pm, nahulog sya sa hagdanan. galing daw syang cr, nahilo yata ay bigla na lang nahulog doon sa hagdanan. mabuti na lamang at nakita sya kaagad ng tatay. mahina na kasi ang boses at hindi na makasigaw. putok ang ulo. duguan. naampat naman ang pagdurugo at nabigyan ng karampatang gamot. pero mula noon, hindi na sya makabangon. hindi na sya makatayo. idinadaing lagi ay ang masakit na hita nya, gawa na rin nung pagkahulog sa hagdanan. ikinunsulta na rin sa doktor, binigyan lang ng pain reliever, at ipagpahinga na lang daw. hindi na raw kasi pwedeng hilutin dahil matanda na, baka daw lalo lamang lumala.

to the rescue ang mga kamag-anak namin. sunod-sunod ang dalaw noong sabado, linggo at kahapon. may nagdala pa ng adult diaper. dumating din ang pinsan kong caregiver, kung saan sya na ang tumulong para maisaayos ang lola ko, mula sa pagbibihis, pagpapakain at pagpapalit ng diaper. ako, andun lang. nakamasid. wala akong lakas ng loob na hawakan sya, baka kasi mabali ko lang ang mga buto nya. ewan ko, bawat galaw nya kasi, dumadaing sya. masakit daw. masakit.

lumuwas ako ng maynila kahapon, alas kwatro ng hapon. nagpaalam pa ako sa kanya. the usual "ingat ka sa pagmamaneho." dahil alam nyang dala ko yung kotse ko. hindi ko akalain na yun na pala ang huli. pagdating ko sa boarding house, after watching the late night news na saksi, nahiga na ako para matulog. pero alas tres na ng umaga, gising pa ako. hindi ako makatulog. hindi ko alam kung bakit, pero may kutob na ako, pero ayaw kong paniwalaan ang kutob ko. siguro, alas kwatro na ako nakatulog.

ngayon, pagpasok ko sa office, pagkaupo ko dito sa cubicle ko, nareceive ko ang text ng tatay. "iniwan na tayo ng nanay mo, kanina lang."

......

Saturday, August 19, 2006

pinoy dream academy

Here is the list of website about Pinoy Dream Academy.:

ABS-CBN
Pinoy Dream Academy
ABS-CBN Forum
Retzwerx

wala lang. trip ko lang ipost dito. para masaya ako. hehehe.

yun lang!

Friday, August 18, 2006

looooong weekend

mahaba-habang weekend pala ang naghihintay dahil walang pasok sa monday. yahoo! yehey! google! last day pala ngayon sa work nung isa kong friend, dahil nagresign na sya dahil pupunta na sya ng Malaysia para doon magtrabaho. Good luck! God bless! Huwag mo sana akong kalimutan kapag mayaman ka na. Hehehe. Sana, maglibre ka naman bago ka lumipad patungo doon.

inuubo ako. uminom na ako ng solmux kagabi at kaninang tanghali. inuubo pa rin ako. hay! magpahampas na lang kaya ako sa gorilla, kagaya ng sabi ni aga sa commercial ng solmux? ayaw gumana ng solmux eh. hehehe.

bukas, uuwi na ako ng batangas. babalik sa monday night. sa wakas, madadrive ko nang muli ang aking kotse patungo dito sa manila. isang buwan yatang mahigit akong hindi nakapagdrive. puro commute, kaya nadekwat yung cellphone ko. kasi naman, ang bagal ng mga gumagawa nung kanal doon sa tapat ng boarding house namin. ngayon naman ay ayos na kaya meron na ulit akong pwedeng pagparkingan, kaya pwede ko na ulit dalhin dito sa manila ang sasakyan. kaso, ang mahal na ng gasolina. makakapagmura ka sa mahal ng gasolina eh. sa mga kababayan ko dyan sa batangas, baka gusto nyong makihitch pagluwas ko sa monday, ok lang, hatian nyo lang ako sa gasolina. hehehe.

sige, happy weekend! happy long weekend! mabuhay ang mga blogger!

yun lang!

keys me

napanood ko yung magpakailanman kagabi tungkol sa buhay ni alyssa "keys me" alano. lesson... mag-aral kayo ng english para hindi kayo napag-iiwanan. hindi naman masamang matuto ng ibang lenggwahe. medyo nakarelate pa nga ako sa kanya, kasi, nag-aapply sya ng trabaho, hindi sya matanggap dahil ang tigas daw ng dila nya. hirap na kasi syang mag-english, may accent pa syang magsalita. parang ako, hindi naman ako hirap mag-english, pero puntong batangenyo ang dating. kaya nga during my early days ng paghahanap ng trabaho dito sa manila, lagi akong bagsak sa interview because of my communication skills. buti na lang at may isang nagmagandang loob na sumubok ng aking kakayahan. hehehe. hindi naman kasi kailangang maging magaling ka sa pagsasalita ng english kung computer lang ang kaharap mo at nagcocode ka ng programs, di ba? anong pakialam nung computer sa punto ko? hindi ba? pero kay alyssa, kakaiba sya. biruin nyong pagkanta ang pinasok nya kahit mali-mali ang english nya, pati pronunciation. well, good for her, napansin sya. sa mga hindi pa nakakapanood ng kanyang "keys me" that gave her a break on showbiz... heto po, panoorin nyo. hehehe.



keys me


yun lang!

Thursday, August 17, 2006

increase forum blessing

expect nothing, and you'll be happy if you get something. oo nga naman. i expected nothing, kaya nung ibalita sa akin na meron akong konting salary increase, masaya na ako. kahit konti lang, masaya ako, kasi wala naman akong inaasahang increase. kaya natuwa ako nung magkaroon. oopps, walang bawian! hahaha!

medyo natuwa lang ako sa pagjoin ng mga forum ngayon. tamang advertisement na rin sa mga blog ko. syempre, yung mga forum na sinalihan ko, yung interesado ako sa mga pinag-uusapan. para naman may masabi ako. forum hopping naman ang trip ko ngayon. at dito ako sa mga forum na ito napajoin... bloggertalk, bloggerforum, digitalpoint at bloggingfusion. obvious naman kung ano ang malimit nilang pag-usapan, di ba? makakabasa ka dyan ng mga tips and tricks sa paggamit ng blog, pwede ka ring tumulong sa mga nangangailangan. sa mga nagpapaturo, sa mga nagtatanong. sumasabat lang naman ako kapag may masasabi ako. tamang paghahasa na rin ng english, kasi, puro inglisero ang mga tao dun. buti naman at naintindihan nila ang aking english.

ano pa ba? nagkaroon ng blessing dito sa bago naming office noong nakaraang monday. nagkalat ang mga piso at limang pisong coins. at may bilang pa pala yung pera. 999 pesos lahat. alam ko dahil isa ako sa mga nagbilang nung coins. hehehe. 889 na 1 peso coins at 110 worth of 5 peso coins. aba nga naman! 999 pala ha. naalala ko tuloy na memorize ko nga pala yung 999 multiplication table. hehehe. swerte pala yun. kaya pala memorize ko. hehehe. ito pala ang itsura ng office namin. hanapin nyo nga ako.

ISI office near Manila Bay

yun lang!

Wednesday, August 16, 2006

link exchange

sabi ng iba, para saan ba raw yang links ko sa sidebar, napupuntahan ko ba lahat yan? actually, hindi ko nga lahat pinupuntahan yan, gumagamit na rin kasi ako ng bloglines. pero hindi ko pa rin inaalis yang mga link na yan, at willing pa rin akong makipaglink exchange kahit hindi ko naman pinupuntahan. para saan? for search engine optimization. alam nyo ba na kapag maraming nakalink sa blog nyo, mas credible ang tingin ng mga search engine sa blog nyo? halimbawa, sa dinami-rami ng site na may word na "kukote", bakit kapag sinearch nyo sa google, blog na ito ang una sa listahan? dahil ba sa malakas ako sa google? hindi. dahil halos lahat ng link nyo sa blog na ito, andun ang word na kukote. at ilan ba kayo na naglilink sa blog ko? ayon sa technorati, sa mga oras na ito, there are 241 links from 150 blogs ang nakalink sa blog na ito. see it here. so, tingin nila, reliable itong blog na ito, biruin nyo nga naman, 150 yung blog na may link, hehehe. kaya sa mga nakikipag exchange link, don't remove the links, ok? makakatulong yan para sa search engine optimization. e ano ngayon kung search engine optimized yung blog nyo? basahin nyo na lang ang blogtimizer para maintindihan nyo. hehehe.

well, ngayon, i need some links. yung photoblog ko kasi, wala pang masyadong link. kaya hindi pa sya nakikita masyado sa mga search engine. so, pakilink na lang po. syempre, exchange link. ang maglilink, ililink ko rin doon. pakiinform na lang ako kung nalink nyo na. ok? salamat!

kahit bloglines ang gamit nyo, huwag nyo alisin ang link, ok? baka nareview kasi kayo nung mga magagaling na reviewer ng blog doon sa kabilang ibayo at pinulaan ang mga links nyo sa sidebar, inalis nyo naman kaagad. mga walang alam yung mga yun sa search engine optimization. hanggang pagpapacute lang ng blog ang alam ng mga yun. hehehe. if you want more hits, more blog readers, search engine optimize your blog. isa ngang paraan ay yang link exchanging.

ano, link exchange na tayo! deal?

yun lang!

Tuesday, August 15, 2006

team building quotable quotes

mga quotable quotes noong nakaraang team building namin sa caylabne...

C: We will divide you into 4 groups.
M: I thought this is team building, why are we dividing?

-----

C: Gusto kong sumuka. (Nakita ang bossing naming Japanese.) I want to vomit.
J: Kakaiba ito, may subtitle. Hehehe.

-----

Playing pinoy henyo.
M: Is he a superhero?
R: Yes!
Time is up... Answer: Jackie Chan!
M: Superhero pala ha?!

-----


M talking to our boss, lasing na rin.
M: It's all your fault. We are drunk because of you. (Nanduro pa!)
Boss: (tawa lang)

-----

C: Our next game is sack race.
M: Uy, sack race daw. Karera ng medyas?

-----

During inuman..
Boss: Cheers!
Kami: Cheers! and Tables! Nyahaha!
R: (lasing na.) May nalalaman pa kayong Cheers!

-----

R: (Nagpapaturo lumangoy) How do you breath?
Ako: Simple. Inhale, then, exhale!

-----

Ako: (seeing Jet teaching the Chinese how to swim.) Yun, tinuturuan na sya ng Drowning 101.

-----

V: (sumuka si C sa harap nya) Alam ko na ang kinain mo kanina!
later... sabi ni V: Grabe si C. Matalino. Pinili lang ang isusuka nya. Pansit lang ang isinuka, ang masasarap, itinira sa tyan nya.

-----

habang nagvivideoke si C.
V: ikwento mo na lang!

-----

S: What is taob? (Talking about the banana boat na itataob.)
Ako: Taob, it's an inverted boat. (Tama naman, di ba?)

-----

(da best ito!)
C: (Lasing na habang hawak ang videoke mic) Put*ng ina! Gusto nyo na akong magmura?

-----


yan lang ang natatandaan ko. marami pa siguro, nakalimutan ko na lang ang iba.

yun lang!

Monday, August 14, 2006

caylabne

ngayon lang ako nakabalik sa pagboblog. medyo busy lang, sobrang busy nitong nakaraang mga araw. nagkaroon kasi kami ng team building sa caylabne beach resort doon sa cavite. naisipan ko tuloy na sa halip na sa yahoo photos ipost yung mga pictures, doon na lang sa napabayaan ko nang photoblog. at least, inayos ko na sya. tamang blogtimizing at blognetizing na rin. hehehe. yun muna ang kinakalikot ko ngayon. bago na ako magkwento. basta, masaya ako ngayon. regular na ako sa trabaho, may konting salary increase, nagbirthday pa ako, at nag-enjoy last week sa aming team building. see the pictures here. pero inaupdate ko pa yan. pero may mga makikita na kayo. ang daming picture, pero yung ipopost ko lang, yung kasama ako, or yung wala kahit isang tao, tanawin lang. hehehe. pictures there are courtesy of my officemates, wala kasi akong digicam.

yun lang!

Friday, August 11, 2006

ituloy angsulong sitemap

Itulong angSulong Sitemap for 2004 - 2005 Posts

Ituloy AngSulong » December 2005 Archive
Ituloy AngSulong » November 2005 Archive
Ituloy AngSulong » October 2005 Archive
Ituloy AngSulong » September 2005 Archive
Ituloy AngSulong » August 2005 Archive
Ituloy AngSulong » July 2005 Archive
Ituloy AngSulong » June 2005 Archive
Ituloy AngSulong » May 2005 Archive
Ituloy AngSulong » April 2005 Archive
Ituloy AngSulong » May 2005 Archive
Ituloy AngSulong » February 2005 Archive
Ituloy AngSulong » January 2005 Archive
Ituloy AngSulong » December 2004 Archive
Ituloy AngSulong » November 2004 Archive
Ituloy AngSulong » October 2004 Archive
Ituloy AngSulong » September 2004 Archive
Ituloy AngSulong » July 2004 Archive
Ituloy AngSulong » June 2004 Archive

Thursday, August 10, 2006

goodbye 26

mukhang barat ata ngayon ang mga advertiser sa Google Adsense. I have the same click thru rate for the past few days, averaging ako ng 12 clicks per day. Pero yung kita ko, lumiit this past few days. Huhuhu. Hindi naman bumaba yung bilang ng visitors at ng mga nagkiclick. Nagbaba ata sila ng presyo. Asar tuloy ako. Ok lang, siguro talagang ganyan, hindi constant yung rate, pabago-bago. sana, sa susunod, pataas naman. Hehehehe.

Today is August 10, at bukas, ay syempre, August 11. Anong meron? Madadagdagan na naman ako ng isang taon. Goodbye 26. Welcome 27. Ang bilis ng panahon ah, parang kakabirthday ko lang nung isang taon, magbibirthday na naman ako? Hehehe.

Plans... no post for tomorrow, kasi, uuwi na ako ng Batangas. Since may Birthday Leave naman kami, sa Batangas na lang ako magcecelebrate ng birthday ko. Matutulog lang naman ako maghapon. Birthday wish, sana, makuntento na ako sa buhay ko. Ang hirap kasing iforce sa sarili yung contentment. Kahit cute ka na at maraming friends, kulang pa rin. Hehehe. Kulang pa kasi ang milyones sa bangko. Hehe.

Naglagay pala ako dyan sa taas ng Featured Post of the Day from the Archives. Ang dami ko na kasing naisulat na andoon lang sa Archive. 1000+ na. Para naman mabasa nyo rin sila paminsan-minsan. Hehehe. Random naman yung pagpili nya ng Featured Post.

Yun lang!

Wednesday, August 09, 2006

my cubicle

got this from e-mail from a friend. nakita ko, meron sa youtube, kaya ishare ko na rin dito. simpleng nakakatawa.


"my cubicle"


yun lang!

Tuesday, August 08, 2006

tara magpapindot

blogtimization really works! oo naman. after posting my blog money as $40+ last August 2 here, ngayon, naka $50 na ako. see it here. after 6 days lang! i'm already halfway to my first Google paycheck. Hehehe. Magkano kaya ang kitain ko ngayong August? Sana, by September, kuha ko na ang target ko, para sa October, may maipakita na akong "dahil sa kakapindot paycheck." hehehe. wala namang mawawala kung maglalagay ng ads. bakit hindi nyo subukan? di ba? di ga? nagboblog na rin kayo, why not blog and earn some money?

may nabasa ako sa isang forum, magkaiba raw ba yung earning money thru blogging at saka yung blogging for money? sa tingin ko, oo, magkaiba sila. yung una, kahit walang pera, masaya sa pagboblog. kagaya ng marami sa atin, di ba? kagaya ko. obvious naman, dalawang taon na akong walang tigil sa kakapindot nang wala namang nakukuhang pera, enjoy lang talaga. eh yung blogging for money? kung walang bayad, hindi yan magboblog. blogging for money nga lang eh. pera lang ang habol nya sa pagboblog. meron ba nyan? oo naman, kaya nga ang daming nagsulputang bagong blog, tapos, tadtad ng adsense. hindi sila magtatagal kung hindi nila enjoy ang kanilang ginagawa. pero para sa ating mga blogista by nature, may kita o wala, blog lang ng blog, di ba? bonus na lang yan kung kikita talaga sa adsense. wala namang masama kung kumita, hindi ka naman nanglamang sa kapwa. nagpapindot ka lang. hehehe. nagpapindot ng ads. hehe.

kaya tara, magpapindot na tayo para kumita tayo ng konti. hehehe!

yun lang!

playboy, tagline and mouse

doon po sa amin sa boarding house, meron kaming boardmate na tinatawag naming playboy! nope, hindi po sya mahilig sa babae. ako nga ang nagbinyag sa kanya ng alias na yan. bakit? kasi naman, gabi na sya lagi kung umuwi, minsan, alas dose na ng madaling araw. at kapag itinanong mo sa kanya kung bakit gabi na sya, ang isasagot nya, naglaro daw kasi sila sa office. as in, halos gabi-gabi, naaddict na ata sa paglalaro ng computer games. hindi raw sya nag overtime, overplay daw. hehehe. hayun, kaya naisip ko, tawagin syang playboy! hehehe.

ang lakas mo sa globe! yan ang tagline ngayon ng globe. reaction ko lang, nagpopromote sila ng palakasan system. paano kung hindi ako malakas sa kanila? eh di hindi ko pala makukuha ang gusto ko? kailangan pala, malakas pa ako sa kanila? kaya hindi umuunlad ang pilipinas eh, puro palakasan ang nangyayari. kaya yung mga mahihirap, lalong naghihirap. kaya ang maraming koneksyon, ang daling pumasok sa trabaho, kasi, malakas. palakasan. well, talagang hindi na mawawala sa mundo natin yang palakasan na yan. pero mas maganda sana kung pantay-pantay ang pagtingin natin sa isa't isa. walang malakas, walang mahina, dahil smart tayo! nyahaha!

kanina, lumapit sa akin ang aming all around messenger, may dalang mouse. itinatanong sa akin kung paano daw ikabit yun. itinanong ko kung saan ikakabit. doon daw sa computer ng isang chinese na bisita namin. (oo, may mga ojt kami ditong mga chinese sa office namin. they are here for 1 year daw.) pinuntahan ko. aba, at may mouse naman siya, bakit papalitan? nagloloko raw. tiningnan ko. nakigamit ng konti. makulit nga yung mouse. binuksan ko. madumi na yung loob. nilinis ko. tapos ibinalik ko. ok na. aba, at gusto pa rin nung chinese yung bagong mouse! sabi ko, we must not replace a mouse everytime it malfunctions just because it gets dirty. eh ok na naman yung mouse nya, what's the point na palitan ko pa sya? isinoli ko na sa messenger namin yung bagong mouse. asar sa akin yung chinese. hehehe.

yun lang!